بەپێی هەواڵی کوردپرێس، ڕوانگەی سووری بۆ مافەکانی مرۆڤ بەپشتبەستن بەسەرچاوە تایبەتییەکانی باسی لەوە کردووە ڕۆژی یەکشەممە کاروانێکی سەربازیی سەر بەهاوپەیمانی نێودەوڵەتیی دژ بەداعش لەدەروازەی سنووریی وەلیدەوە بەرەو ناوچەکانی ژێر کۆنترۆڵی هێزەکانی سووریای دیموکرات هاتوون ‌و چوونەتە ناو بنکە سەربازییەکانی ئەمریکا لە شارۆچکەی ڕومێلان لەڕەققە.

ڕوانگەی سووری بۆ مافەکانی مرۆڤ ڕاشیگەیاندووە ئەو کاروانە لە 26 گوێزەرەوەی بارکراو لە کەلوپەلی سەربازیی‌ و لۆجستی پێکهاتوون

شایانی باسە لەماوەی مانگێکدا ئەوە دووەم کاروانی سەر بەهاوپەیمانی نێودەوڵەتییە کە دەگەنە کوردستانی سووریا.