بەپێی هەواڵی کوردپرێس، سکرتێری گشتیی نەتەوەیەکگرتووەکان، ئەنتۆنیۆ گوتێرێس داوا لە هەموو عێراقییەکان دەکات ئەوپەڕی دان بەخۆدا گرتنیان هەبێت و هەموو جۆرە توندتیژییەک و هەموو هەوڵێکی زیانگەیاندن بە سەقامگیریی عێراق رەت بکەنەوە، هەروەها داوا لە هەموو لایەنە سیاسییەکان دەکات کە رێز لە یاسا دەستوورییەکان بگرن و جیاوازییەکانیان لە رێگەی گفتوگۆی ئاشتییانە و گشتگیرەوە چارەسەر بکەن.

گوتەبێژی سکرتێری گشتیی نەتەوەیەکگرتووەکان جەختی لەوەش کردووەتەوە کە رێكخراوه‌كه‌یان بەردەوام دەبێت لە پاڵپشتی کردنی گەل و حکوومەتی عێراق لە میانی هەوڵدانیان بۆ داهاتوویەکی باشتر.