کوردپرێس:
به‌پێی ئه‌و زانیارییانه‌ی ده‌ست کەوتوون له ناوچەی سانجاك ته‌په‌ی شاری ئیستانبوڵ هه‌لیكۆپته‌رێكی سه‌ربازی به هۆكارێكی نه‌زاندراو كه‌وتووه‌ته خواره‌وه و میدیاکان باس لەوە دەکەن کە 4 سەربازی تورک بەو هۆیەوە گیانی خۆیان لە دەست داوە.
ده‌ستبه‌جێ تیمه ئه‌منی و ته‌ندروستییه‌كان ره‌وانه‌ی شوێنی رووداوه‌كه كران.
ئاژانسی هەواڵی ئانادۆڵو ئاشکرای کردووە، هەلیکۆپتەرەکە له گه‌ڕه‌كی فرتنای شه‌قامی تۆپچولاری ناوچه‌ی سانجاك ته‌په خۆی كێشاوه به‌سه‌ر بانی باڵه‌خانه‌یێكی چوار نهۆمیدا و كه‌وتووه‌ته خواره‌وه.
ئەوەشی خستووەتە ڕوو، دوای رووداوەکە، تیمه‌كانی پۆلیس و ئاگركوژێنه‌وه و ته‌ندروستی گه‌یشتوونەتە شوێنی رووداوه‌كه و لێکۆڵینەوەکان لێی دەستی پێکردووە.
ئانادۆڵۆ ئاماژەی بەوەش کردووە، بە مەبەستی لێکۆڵینەوە لە رووداوەکە خلووسی ئاکار وەزیری بەرگری تورکیا سەردانی ناوچەی سانجاک تەپە لە ئیستەنبوڵ دەکات.
Your Comment