به‌پێی هه‌واڵی کوردپرێس، ڕۆژی سێشه‌ممه 20ی تشرینی دووهه‌می 2018 دادگای مافه‌کانی مرۆڤی ئه‌ورووپا ڕای‌گه‌یاند که مانه‌وه‌ی سه‌ڵاحه‌ددین ده‌میرتاش و دادگایی نه‌کردنی نایاسایییه و پێویسته به زووتری کات ئازاد بکرێت و له کاردانه‌وه به‌و بابه‌ته سزایی ته‌مه‌لی و په‌روین بوڵدان هاوسه‌رۆکی هه‌ده‌په له ڕاگه‌یێندراوێکدا ڕایان‌گه‌یاند که به‌م بڕیاره‌ی دادگا ڕوون بوووه‌ته‌وه كه هۆكاری زیندانی كردنی ده‌میرتاش سیاسییه و به گوێره‌ی خاڵی ٩٠ی ده‌ستوور و په‌یمانی مافه‌كانی مرۆڤی ئه‌ورووپا، توركیا ناچاره ئه‌م بڕیاره جێبه‌جێ بكات.
له ڕاگه‌یێندراوه‌که‌ی هاوسه‌رۆکانی هه‌ده‌په‌دا هاتوووه: "له به‌رده‌م ده‌زگای دادوه‌ریی توركیا تاقیكردنه‌وه‌یێكی دیكه هه‌یه یان پیشانی ده‌ده‌ن كه پابه‌ندن به به‌هاكانی مافى نێونه‌ته‌وه‌یی و په‌یمانه نێونه‌ته‌وه‌یییه‌كان كه توركیاش ئیمزای كردوون یان پیشانی ده‌ده‌ن كه هیچ په‌یوه‌ندییێكیان به به‌ها حقووقییه‌كان و په‌یمانه نێونه‌ته‌وه‌یییه‌كانه‌وه نییه و دان به خاڵی ٩٠ی ده‌ستووردا نانێن".
سه‌رچاوه: ڕۆژنامه‌ی حوڕییه‌ت
کۆدی هه‌واڵنێر: 60103
Your Comment