به‌پێی هه‌واڵی کوردپرێس، به‌ڕێوه‌به‌رایه‌تی هه‌واڵگریی سه‌ربازیی عیراق له‌ به‌یاننامه‌یێکدا ڕای‌گه‌یاند که‌ "ڕۆژی سێ‌شه‌ممه‌ 20ی تشرینی دووهه‌می 2018 فیرقه‌ی 14 به‌ هه‌ماهه‌نگی له‌گه‌ڵ فه‌وجی چاودێری و هه‌واڵگریی فیرقه‌كه‌ توانییان سیخوڕێكی داعش له‌ كه‌مینێكی تۆكمه‌دا ده‌ستگیر بكه‌ن له‌ قه‌زای فه‌للوجه‌ی پارێزگای ئه‌نبار."

له‌ به‌یاننامه‌كه‌دا هاتوووه‌: "سیخوڕه‌كه‌ كه‌سێكی ده‌ركه‌وتووی هێزه‌ ئه‌منییه‌كانی ڕێكخراوی (داعش) بوووه‌ و به‌رپرسی كۆكردنه‌وه‌ی زانیارییه‌كان بوووه‌ له‌سه‌ر هێزه‌ ئه‌منییه‌كانی عێراق و هاووڵاتییان."

به‌ڕێوه‌به‌رایه‌تی هه‌واڵگریی سه‌ربازیی عێراقی ڕاشیگه‌یاندوووه‌: "سیخوڕه‌كه یه‌كێک بوووه‌ له‌ داواكراوه‌كان بۆ به‌رده‌م دادوه‌ری و یادداشتی ده‌ستگیركردنی به‌پێی مادده‌ی 4ی تیرۆری یاسای بنبڕكردنی تیرۆری عێراقی بۆ ده‌رچوووه‌."

سه‌رچاوه‌: خه‌ڵک

کۆدی هه‌واڵنێر: 60103