به‌پێی هه‌واڵی کوردپرێس، مه‌ولوود چاووشئۆغڵۆ وه‌زیری ده‌ره‌وه‌ی تورکیا به‌شداری له ھه‌شته‌مین کۆربه‌ندی جیھانیی ھاوپه‌یمانیی شارستانیه‌تییه‌کان کرد که له ناوه‌ندی گشتیی نه‌ته‌وه یه‌کگرتوووه‌کان له نیویۆرک به‌ڕێوه چوو و له‌گه‌ڵ گوتێرێس کۆ بوووه‌وه و پرسی کوشتنی جه‌مال خاشقچی ڕۆژنامه‌نووسی سعوودیه‌یان خسته به‌ر باس و لێکدانه‌وه.
ستیفان دوجاریک گوته‌بێژی سکرتێری گشتیی نه‌ته‌وه یه‌کگرتوووه‌کان له کۆنگره‌ی ڕۆژنامه‌وانیی ڕۆژانه‌ی خۆی له‌باره‌ی کۆبوونه‌وه‌که گوتی: "چاوشئۆغڵۆ و گوتێرێس تاوتوێی پرسی یه‌مه‌ن، سووریا، قوبرس و کوشتنی خاشقچیان کردوووه و له‌باره‌ی ئه‌نجامدانی لێکۆڵینه‌وه‌ی نێوده‌وڵه‌تی له‌سه‌ر ڕووداوه‌که‌ی خاشقچی داواکاریی فه‌رمیمان پێنه‌گه‌یشتوووه."
دوجاریک له‌باره‌ی ده‌ست پێکردنی کۆبوونه‌وه‌ی نێوده‌وڵه‌تی گوتیشی: سکرتێری گشتی پێویستی به پێدانی ده‌سه‌ڵات له‌مباره‌یه‌وه ھه‌یه.
سه‌رچاوه: ته‌له‌فزیۆنی NTV
کۆدی هه‌واڵنێر: 60103
Your Comment