به‌پێی هه‌واڵی کوردپرێس، نه‌سروڵڵا سوورچى لێپرسراوی مه‌ڵبه‌ندى مووسڵى یه‌كێتى ڕای‌گه‌یاند: پرسى پێكهێنانى حكومه‌تى داهاتووی هه‌رێم پشت به ژماره‌ى كورسى نابه‌ستێت و له ئێستادا یه‌كێتى و پارتى به بێ یه‌كترى ناتوانن ئه‌م پرسه یه‌كلایی بكه‌نه‌وه به‌ڵكوو ده‌بێت پێكه‌وه به ته‌وافوق حكومه‌تێكى به‌هێز پێكبهێنن كه بتوانێت داوكاریی خه‌ڵک جێبه‌جێى بكات و بژێویان بگه‌ڕێنێته‌وه بۆ دۆخى پێش قه‌یرانى دارایی.
ناوبراو گوتیشی: "ده‌بێت یه‌كێتى به‌شدارێکی ڕاسته‌قینه بێت له حكوومه‌تدا و خاوه‌ن بڕیاریش بێت و له ئێستادا ده‌یه‌وێت پۆسته‌كانى سه‌رۆكى په‌رله‌مان و جێگرى سه‌رۆكى ئه‌نجومه‌نى وه‌زیرانی هه‌رێم وه‌ربگرێت."
نه‌سروڵڵا سوورچى ڕاشیگه‌یاند: ژماره‌ى كورسى كاتێک ڕۆڵ و كاریگه‌رى ده‌بێت كه هێزه‌كانى پێشمه‌رگه هێزى نیشتیمانى بێت و سه‌ر به حزبه‌كان نه‌بن بۆیه له ئێستادا ده‌بێت خاوه‌ن ئه‌و هێزانه به‌شداریى كارا و ڕاسته‌قینه‌یان پێبكرێت له حكه‌ومه‌تدا.
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment