به‌پێی هه‌واڵی کوردپرێس، حامی ئاکسۆی وته‌بێژی وه‌زاره‌تی ده‌ره‌وه‌ی تورکیا وتی: "کۆمپانیای ئیکسۆن مۆبیل ده‌ستی کردوووه به هه‌ڵکه‌ندنی بیر و گه‌ڕان به دوای بیری غازی سروشتی له وڵاتی قوبرس و ئه‌وه‌ش یارمه‌تی به سه‌قامگیریی ناوچه‌که نادات و پێده‌چێت ببێته هۆی تێکدانی هاوسه‌نگییه‌کان".
ئاکسۆی ئاماژه‌شی به‌وه دا که چه‌ندین جاری دیکه کۆمپانیا بیانییه‌کانی ئاگادار کردوووه‌ته‌وه و پێی ڕاگه‌یاندوون گه‌ڕان به دوای غاز و نه‌وتدا له قوبرس کارێکی تاکلایه‌نه‌یه.
ئیکسۆن مۆبیل کۆمپانیایێکی ئه‌مریکییه و یه‌کێکه له گه‌وره‌ترین کۆمپانیاکان له بواری ده‌رھێنان و وه‌به‌رھه‌مھێنانی نه‌وت و غاز له ئاستی جیھان، کۆمپانیای ئیکسۆن مۆبیل له ئه‌نجامی یه‌کگرتنی کۆمپانیای ئیکسۆن له‌گه‌ڵ کۆمپانیای مۆبیل ھات و ئه‌م یه‌کگرتنه له 30ی تشرینی دووه‌می 1999 بوو. بنکه‌ی سه‌ره‌کیی کۆمپانیای ئیکسۆن مۆبیل له ته‌کساسی ئه‌مریکایه و داهاتی کۆمپانیاکه ساڵ به ساڵ زیاتر ده‌بێت و له ساڵی ٢٠١٧دا داهاتی کۆمپانیاکه نزیکه‌ی ٢٣٧ ملیار دۆلاری ئه‌مریکی بوووه.
سه‌رچاوه: خه‌ندان
کۆدی هه‌واڵنێر: 60103
Your Comment