به‌پێی هه‌واڵی کوردپرێس، ئه‌مڕۆ شه‌ممه‌ 17ی تشرینی دووهه‌می 2018 به‌رهه‌م ساڵح سه‌رۆک كۆماری عیراق بۆ یه‌كه‌مجار دوای وه‌رگرتنی پۆسته‌كه‌ی سه‌ردانی تارانی پایته‌ختی ئێرانی كرد و له‌ ڕێوڕه‌سمێكی فه‌رمیدا له‌لایه‌ن حه‌سه‌ن ڕۆحانی سه‌رۆكی ئه‌و وڵاته‌وه‌ پێشوازی لێكرا.

له ‌پاش به‌ڕێوه‌چوونی دیداره‌كه‌یان سه‌رکۆمارانی ئێران و عێراق کۆنفڕانسێکی هاوبه‌شیان ساز کرد و حه‌سه‌ن ڕۆحانی وتی: "هه‌وڵ ده‌ده‌ین ساڵانه‌ قه‌باره‌ی بازرگانی له‌گه‌ڵ عێراقدا بگه‌یێنینه‌ 20 ملیار دۆلار".

ناوبراو ئاماژه‌ی به‌وه‌ش كرد: له‌گه‌ڵ سه‌رۆک كۆماری عیراقدا باسی بنیادنانی هێڵێكی شه‌مه‌نده‌فه‌ڕیان كردوووه‌ بۆ به‌ستنه‌وه‌ی هه‌ر دوو وڵات به‌یه‌كه‌وه‌، هه‌روه‌ها له ‌ئێستادا قه‌باره‌ی بازرگانیی نێوان هه‌ر دوو وڵات ساڵانه‌ 12 ملیار دۆلاره‌ و له‌ هه‌وڵی ئه‌وه‌دان بیگه‌یێننه‌ 20 ملیار دۆلار.

سه‌رۆک كۆماری ئێران جه‌ختی كردوووه‌ كه‌ په‌یوه‌ندیی نێوان هه‌ردوو وڵات زۆر گرنگه‌ به‌لایانه‌وه‌ و به‌رپرسانی هه‌ردوولاش په‌یوه‌ندییێكی مێژوویییان هه‌یه‌ هه‌روه‌ک هاوكارییێكی ئه‌منیی هاوبه‌شی به‌هێز هه‌یه‌ و چه‌ندین دۆسیه‌ی دیكه‌ش باس كراون له‌وانه‌: دروست كردنی ناوچه‌ی بازرگانیی ئازاد و پیشه‌سازی هاوبه‌ش و پێویستی نه‌بوونی هێزی بیانی له‌ ناوچه‌كه‌دا.

لای خۆیشیه‌وه‌ به‌رهه‌م ساڵح وتی: "داوا ده‌كه‌ین سیسته‌می هه‌رێمایه‌تی ناكۆكییه‌كان وه‌لا بنێت، عێراقیش ئاماده‌یه‌ ببێته‌ مه‌یدانێک بۆ یه‌كگرتنی به‌رژه‌وه‌ندییه‌كان، نامه‌یێكی ئاشكرا و ڕوونیشمان هه‌ڵگرتوووه‌ كه‌ باس له‌ گرنگیی په‌یوه‌ندییه‌ كۆمه‌ڵایه‌تی و ئابوورییه‌كان له‌گه‌ڵ ئێراندا ده‌كات له ‌كاتێكیشدا په‌یوه‌ندییێكی پته‌و و گرنگمان له‌گه‌ڵ گه‌لی ئێراندا هه‌یه‌".

سه‌رۆک كۆماری عیراق ئاماژه‌ی به‌وه‌ش داوه: ئێران پشتگیرییێكی گه‌وره‌ی عێراقی كرد له‌ شه‌ڕی دژی تیرۆر و ئه‌مڕۆ عێراق مافی بنیادنانه‌وه‌و سه‌قامگیری هه‌یه‌ و ئه‌وه‌ش پێویستی به‌ ده‌ستپێشخه‌ری سیاسیی ناوخۆیی و ده‌ره‌كی هه‌یه‌ و ڕۆڵی عێراقیش له ‌ناوچه‌كه‌دا گرنگ ده‌بێت.

به‌رهه‌م ساڵح پێداگیری كرد له‌سه‌ر ئه‌وه‌ی دروست كردنی هێڵی شه‌مه‌نده‌فه‌ڕ و ناوچه‌ی بازرگانی و پیشه‌سازی هاوبه‌ش له‌سه‌ر سنووری هه‌ر دوو وڵات زۆر گرنگه‌.

کۆدی هه‌واڵنێر: 60103