بەپێی هەواڵی کوردپرێس، له‌مباره‌یه‌وه زاخارۆڤا وتیشی: مۆسكۆ په‌یوه‌ندییێكی دۆستانه‌ی مێژوویی پته‌وی له‌گه‌ڵ حكوومه‌تی هه‌رێمى كوردستان هه‌یه، ئێمه به‌رده‌وام له په‌یوه‌ندی سیاسی راسته‌وخۆداین له‌گه‌ڵ سه‌رۆكایه‌تی هه‌رێم و دام و ده‌زگاكانیدا".
ناوبراو ئاماژه‌ی به‌وه‌ش دا کە ماوه‌یێک به‌ر له‌ئێستا دیداری نوێنه‌ری تایبه‌تی سه‌رۆكی رووسیای فێدرال بۆكارووباری رۆژهه‌ڵاتی ناوه‌راست و باكووری ئه‌فریقا و جێگری وه‌زیری ده‌ره‌وه "میخائیل بۆ‌گدانۆڤ" له‌گه‌ڵ شاندی پارتی دیموكراتی كوردستان له مۆسكۆ به‌ڕێوه‌چوو، تێیدا تیشک خرایه سه‌ر هه‌ماهه‌گی نێوان رووسیا و هەرێمی كوردستان".
زاخارۆڤا دووپاتی كرده‌وه هیوامان وایه هه‌موو پارته كوردییه‌كان تواناكانیان به‌گه‌ڕ بخه‌ن بۆ پێكهێنانی هه‌رچی زووتر حكوومه‌تێكى كارا و متمانه‌پێكراو، به‌جۆرێک بتوانرێت ئه‌و ناكۆكییانه‌ی له نێوان هه‌ولێر و حكوومه‌تی فێدراڵی له ئارادان چاره‌سه‌ر بكات".
سەرچاوە: K24
کۆدی هەواڵنێر: 60113
Your Comment