بەپێی هەواڵی کوردپرێس، محەمەد سەعدەدین، نوێنەری تورکمانەکان لە پەرلەمانی کوردستان ڕایگەیاند: "ئەگەر جێگری دووەم بۆ سەرۆکی حکوومەت دابنرێت، ئەوا داوا دەکەین یەکێک لە جێگرەکانمان پێ بدرێت، ھەروەھا داوای پۆستی جێگری دووەمی سەرۆکی پەرلەمانیشمان کردووە، چوونکە دەمانەوێ تورکمانیش وەک پێکھاتە بەشداری لە ئەزموونی سیاسیی ھەرێمی کوردستاندا بکات".

ئەو نوێنەرەی تورکمانەکان لە پەرلەمانی کوردستان ڕوونیشی کردەوە: "پارتی وەک براوەی یەکەم، پلانی ئیدارەکەی لە دەست دەبێت، تا ئێستاش بە ئەرێنی سەیری ئەم داواکارییە دەکات، بەڵام تا ئێستا ئێمە بە فەرمی داوامان نەکردووە و ڕێککەوتنێک نەکراوە".

محەمەد سەعدەدین ڕوونیشی کردەوە کە ھەموو فراکسیۆنە تورکمانییەکان لەسەر ئەوە کۆکن کە پۆستی یەکێک لە جێگرەکانیان پێ بدرێت.

سەرچاوە: باسنیووز

کۆدی هەواڵنێر: 60113