به‌پێی هه‌واڵی کوردپرێس، حازم دایینى ئه‌ندامى ئه‌نجومه‌نى كۆمیسیاران له پرێس كۆنفرانسێكدا وتى: "یه‌كه‌م شت كۆمیسیۆن له دواى ده‌ستبه‌كاربوونه‌وه‌ى ده‌یكات تاوتوێ كردنى ئه‌وه‌یه ئایا ده‌كرێت هه‌ڵبژاردنى ئه‌نجومه‌نى پارێزگاكان دوابخرێت؟ ئه‌وه‌ش به گفتوگۆكردن له‌گه‌ڵ لیژنه‌ی یاساییی په‌رله‌مان ده‌بێت".
ناوبراو وتیشى: "له چه‌ند ڕۆژى داهاتوودا كۆمیسیۆن واده‌یێک بۆ ئه‌نجامدانى هه‌ڵبژاردنه‌كه دیارى ده‌كات، ئه‌نجامدانیشى پێویستى به نوێكردنه‌وه‌ى لیستى ده‌نگده‌ران هه‌یه له ساڵى نوێدا كه نزیكه‌ى 850 هه‌زار ده‌نگده‌رى نوێ هه‌یه و مافى هه‌ڵبژاردنیان ده‌بێت".
لاى خۆشیه‌وه عه‌زیز خێكانى ئه‌ندامى ئه‌نجومه‌نى كۆمیسیاران له پرێس كۆنفرانسێكدا وتى: "عادل عه‌بدولمه‌هدى سه‌رۆک وه‌زیران ئاماده‌یىی ته‌واوى خۆى پیشان داوه هه‌موو پێداویستییه‌كان دابین بكات بۆ سه‌رخستنى ئه‌و هه‌ڵبژاردنه".
سه‌رچاوه: ڕادیۆ نه‌وا
کۆدی هه‌واڵنێر: 60103
Your Comment