کوردپرێس:

شیروان قادر په‌رله‌مانتاری یه‌كێتی له‌ ئه‌نجومه‌نی نوێنه‌رانی عێراقلەو بارەیەوە ڕایگەیاند: ڕۆژی 11ی 11ی 2018، وه‌فدێكی وه‌زاره‌تی داراییی هه‌رێم له‌گه‌ڵ په‌رله‌مانتارانی كورد له‌ لیژنه‌ی داراییی ئه‌نجومه‌نی نوێنه‌ران كۆ بوونه‌وه ‌و تێبینیه‌كانمان له‌باره‌ی پڕۆژه‌یاسای بودجه‌ی 2019 ئاڕاسته‌ی وه‌فده‌كه‌ كرد و پێمانڕاگه‌یاندن كه‌ له‌كام رێگاوه‌ ده‌توانن هه‌وڵی زیادكردنی پشكی هه‌رێم بده‌ن.

ناوبراو وتیشی:"مه‌به‌ستی سه‌ردانه‌كه‌ی وه‌فده‌كه‌ی وه‌زاره‌تی داراییی هه‌رێم و كۆبوونه‌وه‌یان له‌گه‌ڵ وه‌زاره‌تی داراییی عێراق زیادكردنی پشكی هه‌رێمه‌ له‌ بودجه‌ی 2019ی عێراق و هه‌روه‌ها ده‌یانه‌وێت بزانن كه‌ ئایا ده‌رفه‌تی رێكه‌وتن و زیادكردنی پشكی هه‌رێم ماوه‌ یان نا".

به‌وته‌ی په‌رله‌مانتاره‌كه‌ی یه‌كێتی، ئه‌گه‌ر پێشتر له‌نێوان حكوومه‌تی هه‌رێم و به‌غدا رێكه‌وتن كرابێت له‌سه‌ر ئه‌وه‌ی لیژنه‌ی ته‌كنیكی ره‌وانه‌ی به‌غدا بكه‌ن بۆ قسه‌كردن له‌سه‌ر ورده‌كاریی پڕۆژه‌یاسای بودجه‌ی 2019 و پشكی هه‌رێم، ئه‌وه‌ كارێكی باشه‌.