به‌پێی هه‌واڵی کوردپرێس، ڕه‌جه‌ب ته‌ییب ئه‌ردۆغان له‌سه‌ر داوه‌تی فه‌رمی ئێمانوێل ماکرۆن سه‌رکۆماری فه‌ڕه‌نسا به مه‌به‌ستی به‌شداری کردن له چالاکییه‌کانی ١٠٠ه‌مین ساڵیادی ڕێککه‌وتنی ئاگربه‌ستی جه‌نگی جیھانی یه‌که‌م گه‌یشته شاری پاریس و بڕیاریشه بۆ ماوه‌ی دوو ڕۆژ دیدار و کۆبوونه‌وه‌ی خۆی له‌و وڵاته ئه‌نجام بدات.
ڕه‌جه‌ب ته‌ییب ئه‌ردۆغان و ھاوسه‌ره‌که‌ی سه‌ردانی مۆزه‌خانه‌ی ئۆرسایان له شاری پاریس کرد و دواتریش ئه‌ردۆغان و ھاوسه‌ره‌که‌ی به‌شدارییان له‌و ئێواره خوانه‌دا کرد که له‌لایه‌ن ماکرۆن پێشکه‌ش به سه‌رکرده‌کانی جیھان و ھاوسه‌ره‌کانیان کرا.
ھه‌ر له ئێواره‌خوانه‌که‌دا ڕه‌جه‌ب ته‌ییب ئه‌ردۆغان سه‌رکۆماری تورکیا و دۆناڵد تره‌مپ سه‌رۆکی ئه‌مریکا له پاڵ یه‌کتر دانیشتن و بۆ ماوه‌یێک گفتوگۆیان له‌گه‌ڵ یه‌کتردا کرد.
سه‌رچاوه: ڕۆژنامه‌ی جمهوورییه‌ت
کۆدی هه‌واڵنێر: 60103
Your Comment