به‌پێی هه‌واڵی کوردپرێس، دوای كۆبوونه‌وه‌ی ئه‌نجومه‌نی ناوه‌ندی به‌ڕێوه‌بردنی پارته‌كه‌ی كه‌ دوو ڕۆژی خایاند، ساروحان ئۆلوچ وته‌بێژی هه‌ده‌په‌ پرێس كۆنفرانسێكی له‌ ناوه‌ندی گشتیی پارته‌كه‌ی ڕێكخست و رایگه‌یاند: یه‌کێک له‌ بابه‌ته‌ هه‌ر گرنگه‌كانی كۆبوونه‌وه‌ی ئه‌نجومه‌نی ناوه‌ندی به‌ڕێوه‌بردن بریتی بوووه‌ له‌ ئاماده‌كارییه‌كانی هه‌ڵبژاردنی خۆجێیی و قۆناغی یه‌كه‌می ئاماده‌كارییه‌كانیش كۆتایی هاتوووه.

ساروحان ئۆلوچ ئاشكراشی كرد كه‌ پارتی دیموکراتی گه‌لان له‌ كۆبوونه‌وه‌یان له‌گه‌ڵ ڕێكخراوه‌كانی كۆمه‌ڵگه‌ی مه‌ده‌نی له‌ شار و شارۆچكه‌كان گفتوگۆیان كردوووه‌ و وتیشی: "هه‌ڵسه‌نگاندنمان بۆ ستراتێژیه‌تی هه‌ڵبژاردنی خۆجێیی و به‌یاننامه‌ و هاوبه‌شانی خۆجێیی و هاوپه‌یمانێتی كردوووه‌ و به‌رنامه‌ی كارمان له‌ ئه‌نجومه‌نی ناوه‌ندی ئاماده‌ كردوووه و ڕۆژی دووشه‌ممه‌ی داهاتوو، ئه‌و به‌رنامه‌ی كاره‌ و پێشنیاره‌كان به‌ كۆبوونه‌وه‌ی ئه‌نجومه‌نی پارته‌كه‌مان ده‌گه‌یه‌نرێت."

سه‌رچاوه‌: ڕادیۆ نه‌وا

کۆدی هه‌واڵنێر: 60103