به‌پێی هه‌واڵی کوردپرێس، سزای ته‌مه‌للی هاوسه‌رۆکی هه‌ده‌په له کۆنگره‌یێکی ڕۆژنامه‌وانیدا که له باره‌گای سه‌ره‌کیی هه‌ده‌په -به بۆنه‌ی دووهه‌م ساڵیادی ده‌ستگیرکردن و زیندانی کردنی (11) په‌رله‌مانتاری هه‌ده‌په له نێویاندا سه‌ڵاحه‌دین ده‌میرتاش و فیگه‌ن یوکسه‌گداغ هاوسه‌رۆکانی پێشووی هه‌ده‌په له ئه‌نقه‌ره- به‌ڕێوه چوو ڕایگه‌یاند: به‌هۆی هه‌ڵمه‌تی ڕه‌شبگیری ده‌سه‌ڵاتدارانی تورکیاوه، تا ئێستا نزیکه‌ی شه‌ش هه‌زار ئه‌ندامی هه‌ده‌په له زیندانه‌کانی تورکیادان که له نێویاندا (53) سه‌رۆک شاره‌وانی هه‌یه.
له‌لایێکی دیکه‌وه مووسا فریسئۆغڵۆ ئه‌ندامی هه‌ده‌په له په‌رله‌مانی تورکیا گوتیشی: تا ئێستا (12) هه‌زار ئه‌ندامی هه‌ده‌په ده‌ستگیر کراون که به‌شێکیان له زیندانه‌کاندا ماونه‌ته‌وه و به‌شێکی دیکه‌شیان ئازاد کراون.
سه‌رچاوه: هه‌واڵده‌ریی Diken
کۆدی هه‌واڵنێر: 60103
Your Comment