کوردپرێس:

بەپێی هەواڵی میدیا عێراقییەکان 6 بۆمبی دەستکرد لە چەند ناوچەیێکی بەغدا تەقیوەتەوە و کوژراو و برینداری لێکەوتۆتەوە و بەپێی دوایین ئامارەکان 27 کوژراو و بریندار تا ئەم کاتە هەن.

لای ئێوارەی ڕۆژی یەکشەمە 4ی تشرینی دووهەم بۆمبێکی چێندراو لە گۆڕەپانی عەدەن لە باکووری شاری بەغدا تەقییەوە، بەو هۆیەوە دوو کەس کوژران و چوار کەسی دیکەش برینداربوون.

هەر ئێوارەی هەمان ڕۆژ لە ناوچەی شوعلە لە باکووری رۆژئاوای بەغدا لەنێو پاسێکی جۆری کیا بۆمبێک تەقییەوە، لە ئەنجامدا هاووڵاتییێک کوژرا و دوو کەسی دیکەش برینداربوون.

تەقینەوەی سێیەم لە ناوچەی حەبیبییە لە رۆژهەڵاتی بەغدا بووە، کە بۆمبێک لەنێو پاسێکدا تەقیوەتەوە و لە ئەنجامدا پێنج کەس برینداربوون.

هەروەها بۆمبێکی دیکەش لە ناوچەیێکی بازرگانی لە گەڕەکی توراس لە باشووری بەغدا تەقیوەتەوە و بەهۆیەوە سێ کەس برینداربوون.