به‌پێی هه‌واڵی کوردپرێس، هۆشیار عه‌بدوڵڵا له‌ به‌یاننامه‌یێكدا بڵاوی كردۆته‌وه‌ که ڕۆژى هه‌ینى 26ی تشرینی یه‌که‌می 2018 ژماره‌یێک ناوچه‌ له‌ پارێزگاكانى سلێمانى و هه‌ولێر ڕووبه‌ڕووی لافاو و بارانبارینى به‌خوڕ بوونه‌وه‌ و ناوچه‌كانى سۆران و پشده‌ریش له ‌ناوچه‌ زۆر لێقه‌وماوه‌كانن كه‌ زیانى زۆریان به‌ركه‌وتوووه‌.

ئه‌و په‌رله‌مانتاره‌ ڕوونیشی كردۆته‌وه‌ که ژێرخانی‌ ئه‌و ناوچانه‌ زیانێكى زۆرى به‌ركه‌وتوووه‌ و ژماره‌یێک گوند به ‌ته‌واوه‌تى وێران بوون و مه‌ڕ و ماڵات و كشتوكاڵیان له‌ناو چوووه‌.

هۆشیار عه‌بدوڵڵا ده‌شڵێت: پێویسته‌ عادل عه‌بدولمه‌هدى سه‌رۆک وه‌زیران ته‌ركیز بخاته‌ سه‌ر لایه‌نى مرۆیى و قه‌باره‌ى ئه‌و زیان و نه‌هامه‌تیانه‌ بزانێت كه‌ هاووڵاتییانى هه‌رێم تووشى بوون و له‌م بارودۆخه‌ى ئێستادا به ‌دڵ له‌گه‌ڵیاندا بێت و ده‌ستى هاوكارییان بۆ درێژ بكات.

هه‌روه‌ک داوای ده‌كات عادل عه‌بدولمه‌هدی سه‌رۆک وه‌زیرانى سه‌رجه‌م پارێزگاكان بێت نه‌ک ته‌نها پارێزگاكانى ده‌ره‌وه‌ى هه‌رێمى كوردستان و خۆى به‌ نزیک بزانێت له‌ هاووڵاتییانی هه‌رێم و هه‌ڵه‌ى حكوومه‌ته‌كانى پێشوو دووباره‌ نه‌كاته‌وه‌ كه‌ نه‌هامه‌تى هاووڵاتییانیان په‌راوێز خستبوو.

سه‌رچاوه‌: ڕادیۆ نه‌وا

کۆدی هه‌واڵنێر: 60103