بەپێی هەواڵی کوردپرێس، رەوەند مەلا مەحموود، جێگیری لێپرسراوی مەڵبەندی یەكێتی لە كەركووک، ڕایگەیاند: لە ئەگەری وەرگرتنەوەی پۆستی پارێزگاری كەركووک، هەموو ئەو بڕیارانەی راكان جبووری پارێزگاری كەركووک بەوەكالەت، كە بەنایاسایی دەری كردوون، هەڵدەوشێتەوە و ئەوەشی رەت كردەوە كە گوایە یەكێتی بەڵێنی بە عەرەب دابێت دەستكاری ئەو بڕیارانە ناكات كە پارێزگاری كەركووک بەوەكالەت دەری كردون و وتی:" هیچ دانووستانێک لەوبارەیەوە لە نێوان كورد و عەرەب و توركمان نەكراوە".

بەوتەی بەرپرسەكەی یەكێتی، لە دوای پێكهێنانی حكوومەتی داهاتووی عێراق، كاری لایەنەكانی كەركووک ئاسانتر دەبێت بۆ دابەش كردنەوەی پۆستە ئیدارییەكان و چارەسەركردنی كێشەكانی شارەكە، چوونكە ئێستا دۆخی حوكمڕانی لە عێراق نائاساییە.

ناوبراو ئەوەشی راگەیاند کە بێ ئومێد بووین لەوەی پارتی بیەوێت بەشێک بێت لە چارەسەر كردنی كێشەكانی كەركووک و ئێمەش ناچارین دانووستان لەگەڵ توركمان و عەرەب بكەین.

سەرچاوە: تۆڕی هەواڵی سلێمانی

کۆدی هەواڵنێر: 60113