کوردپرێس:

پەرلەمانی عێراق، شەوی چوارشەممە 24-10-2018 کۆ بووەوە بۆ دەنگدان بە کابینەکەی عادل عەبدولمەهدی و دوای گفتوگۆیێکی زۆر لەسەر وەزیرەکان و گۆڕینی چەند وەزیرێک، 14 وەزیر متمانەی پەرلەمانتارانیان بەدەست هێنا و بوونە وەزیر لە کابینەی نوێی حکوومەتی عێراق. بەو پێیەش فواد حوسێن وەکوو وەزیری دارایی و بەنگین ڕێکانی وەکوو وەزیری ئاوەدانکردنەوە دەنگی متمانەیان وەرگرت کە هەردووکیان ئەندامی پارتی دیموکراتی کوردستانن.

وەزیرەکان بەمشێوەیەن

1- فوئاد حوسێن- وەزیری دارایی

2- وەزیری نەوت- سامر غەزبان

3- وەزیری کشتوکاڵ- ساڵح ئەلحەسەنی

4- وەزیری گەیاندن- د.نەعیم رووبەیعی

5- وەزیری دەرەوە- محەممەد عەلی حەکیم

6- وەزیری ئاوەدانکردنەوە و نیشتەجێکردن- بەنگین رێکانی

7-وەزیری کارەبا- لوئەی خەتیب

8-وەزیری لاوان و وەرزش - ئەحمەد عوبەیدی

9-وەزیری تەندروستی- عەلا عەلوان

10-وەزیری پیشەسازی- ساڵح جبووری

11-وەزیری گواستنەوە- عەبدوڵڵا ئەلمالیکی

12-وەزیری سەرچاوە ئاوییەکان- جەمال ئەلعادلی

13-وەزیری کار و کاروباری کۆمەڵایەتی- باسم رووبەیعی

14-وەزیری بازرگانی- محەممەد هاشم جاسم

دوای متمانەی پەرلەمانی عێراق بەو 14 وەزیرە، عادل عەبدولمەهدی وەک سەرۆکوەزیرانی عێراق سوێندی دەستووریی خوارد و بە فەرمی بووە سەرۆکوەزیرانی چوارساڵی داهاتووی عێراق و دواتریش کۆبوونەوەی پەرلەمان بۆ 6-11-2018 دواخرا.