به‌پێی هه‌واڵی کوردپرێس، ئه‌یاد عه‌لاوی یه‌کێک له سه‌ركرده سیاسییه‌كانی گۆڕه‌پانی سیاسیی عێراق له چاوپێكه‌وتنێكی ته‌له‌فزیۆنیدا ڕای‌گه‌یاند: فه‌تح و سائیروون ڕێكکه‌وتوون له‌باره‌ی پێكهێنانی حكوومه‌تی نوێ و دابه‌ش كردنی پۆسته وه‌زارییه سه‌ره‌كییه‌كان.
عه‌لاوی هۆشداریی دا له‌و ڕێكکه‌وتنه‌ی نێوان سائیروون و فه‌تح و جه‌ختی كرده‌وه كه ئه‌و كاره كاریگه‌ریی خراپی ده‌بێت له‌سه‌ر پرۆسه‌ی سیاسی.
ئه‌وه‌ش له کاتێکدایه چه‌ند ڕۆژی ڕابردوو ئه‌ندامێكی هاوپه‌یمانیی سائیروون ئه‌و ده‌نگۆیانه‌ی ڕه‌ت کرده‌وه له‌باره‌ی بوونی ڕێککه‌وتن له نێوان سه‌در و عامری له‌باره‌ی كابینه‌ی نوێی حكوومه‌ت و پۆسته وه‌زارییه‌كان.
ناوبراو وتیشی: هه‌ریه‌ک له سه‌در و عامری نوێنه‌رایه‌تی هه‌ر دوو كوتله‌ی گه‌وره‌ی بنیاتنان و چاكسازی ده‌كه‌ن هه‌ر بۆیه ئاسایییه گفتوگۆ و دانووستان بكه‌ن و زوو زوو كۆ ببنه‌وه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment