به‌پێی هه‌واڵی کوردپرێس، عه‌لی سه‌جری سه‌ركرده له هاوپه‌یمانی به‌نا به هه‌واڵده‌ریی سۆمه‌ریه نیووزی ڕاگه‌یاندوووه که "وه‌زاره‌تی دارایی له پشكی پێكهاته‌ی سوننه‌یه و ده‌توانرێت سازش له‌و پۆسته بكرێت بۆ پارتی به‌ڵام به‌و مه‌رجه‌ی هۆشیار زێباری ببێته وه‌زیری دارایی".
عه‌لی سه‌جری ڕاشیگه‌یاند: "هۆشیار زێباری به ڕۆحێكی نیشتمانی و به بێ جیاوازی كردن له نێوان پارێزگاكان كار ده‌كات".
سه‌جری داوای له مه‌سعوود بارزانی سه‌رۆكی پارتی دیموكراتی كوردستان كرد که هۆشیار زێباری بۆ پۆستی وه‌زیری دارایی كاندید بكات.
هاوپه‌یمانیی به‌نا داواشی له عادل عه‌بدولمه‌هدی سه‌رۆک وه‌زیرانی ڕاسپێردراو بۆ پێکهێنانی کابینه‌ی نوێی عێراق کردوووه که ئه‌گه‌ر ئه‌هلی سوننه له پشکی خۆی پاشگه‌ز بوویه‌وه زێباری وه‌ک وه‌زیری داراییی عێراق دیاری بکات.
کۆدی هه‌واڵنێر: 60103
Your Comment