به‌پێی هه‌واڵی کوردپرێس، له ڕاگه‌یێندراوێکدا که له‌لایه‌ن ناوه‌ندی راگه‌یاندنی سه‌رۆکایه‌تیی کۆماری تورکیاوه بڵاو کراوه‌ته‌وه ئاماژه به‌وه کراوه شه‌وی یه‌کشه‌ممه 21ی تشرینی یه‌که‌می 2018 ڕه‌جه‌ب ته‌ییب ئه‌ردۆغان و دۆناڵد تره‌مپ په‌یوه‌ندییێکی ته‌له‌فۆنییان ئه‌نجام داوه.
باس له‌وه‌ش کراوه که له میانی په‌یوه‌ندییه ته‌له‌فۆنییه‌که‌دا، په‌یوه‌ندییه دووقۆڵییه‌کان و به‌ره‌نگاربوونه‌وه‌ی تیرۆر، دۆسیه‌ی جه‌مال خاشقچی و دوایین پێشهاته‌کانی سووریا تاوتوێ کراون.
هه‌ر له په‌یوه‌ندییه ته‌له‌فۆنییه‌که‌دا هه‌ر دوو سه‌رۆک باسیان له قۆناغی یاسایی په‌یوه‌ست به دۆسیه‌ی ئه‌ندریۆ برونسۆن قه‌شه‌ی ئه‌مریکایی کردوووه و جه‌ختیان له ئاسایی کردنه‌وه و به‌ره‌وپێشبردنی هاریکارییه‌کانی نێوان تورکیا و ئه‌مریکا کردوووه‌ته‌وه و باسی هه‌ماهه‌نگیی نێوانیان سه‌باره‌ت به به‌ره‌نگاربوونه‌وه‌ی تیرۆر و له نێویشیاندا به‌ره‌نگاربوونه‌وه‌ی فه‌تۆ کردوووه.
ئه‌ردۆغان و تره‌مپ باسیان له گرنگیی هه‌رچی زووتری جێبه‌جێ کردنی نه‌خشه‌ڕێگای په‌یوه‌ست به مه‌نبه‌ج و بایه‌خی ڕێککه‌وتنی ئیدلب کردوووه.
هه‌ردوولا هاوڕا بوون له‌سه‌ر ئه‌وه‌ی دۆسیه‌ی جه‌مال خاشقچی به سه‌رجه‌م ڕه‌هه‌نده‌کانییه‌وه ڕوون بکرێته‌وه و ئاشکرا بکرێت.
سه‌رچاوه: ڕۆژنامه‌ی ستار
کۆدی هه‌واڵنێر: 60103
Your Comment