به‌پێی هه‌واڵی کوردپرێس، مایک پۆمپیۆ وه‌زیری ده‌ره‌وه‌ی ئه‌مریکا که به مه‌به‌ستی لێکۆڵینه‌وه له‌سه‌ر بێسه‌روشوێنبوونی جه‌مال خاشقچی ڕۆژنامه‌نووسی سعوودیه سه‌ردانی عه‌ره‌بستانی کردبوو پاش دیدار له‌گه‌ڵ محه‌مه‌د بن سه‌لمان جێنشینی ئه‌و وڵاته، بۆ گفتوگۆکردن له‌باره‌ی ڕووداوه‌که‌ی جه‌مال خاشقچی گه‌یشته ئه‌نقه‌ره‌ی پایته‌ختی تورکیا.
شایانی باسه؛ پێش له گه‌یشتنی مایک پۆمپیۆ بۆ ئه‌نقه‌ره، به گوێره‌ی ئه‌و زانیاریانه‌ی له به‌رپرسانی تورکیا وه‌رگیراوه محه‌مه‌د عوته‌یبی سه‌رکۆنسووڵی سعوودیه له ئه‌سته‌نبۆڵ کاتژمێر ١٧:٠٠ی ڕۆژی سێشه‌ممه 16ی تشرینی یه‌که‌می 2018 تورکیای به‌ره‌و سعوودیه جێهێشت.
جه‌مال خاشقچی ڕۆژنامه‌نووسی عه‌ره‌بستان و سه‌رنووسه‌ری پێشووی ڕۆژنامه‌ی وه‌ته‌ن و گۆشه‌نووسی واشنتۆن پۆست ٢ی ئه‌م مانگه که بۆ چه‌ند کارێکی یاسایی سه‌ردانی کۆنسووڵخانه‌ی سعوودیه له ئه‌سته‌نبۆڵی کرد بێسه‌روشوێن بوو.
کۆدی هه‌واڵنێر: 60103
Your Comment