کوردپرێس:

بە گوێرەی ئامارەکان، بازرگانی کردنی ئێران لە مانگی ڕەزبەردا بەراورد بە مانگی خەرمانان گۆڕانکاریی تێدا کراوە. ڕێژەی بەرهەمی هاوردەکراو لە مانگی ڕەزبەردا 29 لەسەد دابەزینی بە خۆوە بینیوە و ئەوەش لە کاتێکدایە کە ڕێژەی هەناردەکردن لەو ماوەیەدا 28 لە سەد زیادی کردووە.

لە بواری هاوردەکردنیشدا 16.6 ملوێن تەن کاڵای زەرووری بە نرخی "تەرجیحی" بە ڕێژەی 11 ملیار دۆلار لە حەوت مانگی یەکەمدا هاوردە کراوە.

هەر لەو حەوت مانگەدا وڵاتی چین 7.7 ملیار دۆلار کاڵای لە ئێران کڕیوە و عێراق 5.5 و تورکیا 3.4 ئیمارات 2.6 و ئەفغانستان 1.1 ملیار دۆلار کاڵای ئێرانییان بۆ هەناردە کراوە.