کوردپرێس: به‌ گوێره‌ی هه‌واڵێكی وێبسایتی فه‌رمیی بارزانی، رۆژی شەممە 13ی 10ی 2018 لە سەلاحەددین، مەسعوود بارزانی پێشوازیی لە شاندێكی هاوپەیمانێتیی فەتح بە سەرۆكایەتیی ئەبوجیهاد كرد.

لە دیدارەكەدا شاندی هاوپەیمانێتیی فەتح وێڕای ئاماژەدان بە ڕۆڵی پارتی دیموكراتی كوردستان لە كوردستان و عێراق جەختیان لە چارەسەركردنی كێشەكانی نێوان هەرێم و بەغدا كرد.

شانده‌كه‌ ئەوەیشیان دووپات كردەوە كە كردنەوەی لاپەڕەیێكی تازەی پەیوەندییەكانی نێوان هەردوولا و چارەسەركردنی كێشە و گرفتەكان لە بەرژەوەندیی عێراق و هەرێمی كوردستاندا دەبێت.

لە بەشێكی دیكه‌ی كۆبوونەوەكە بارزانی ڕۆشنایی خستەسەر پەیوەندییەكانی نێوان هەرێم و بەغدا و دووپاتی كردەوە: گەلی كوردستان خاوەنی دۆزێكی ڕەوایە و ڕاشیگەیاند كردنەوەی لاپەڕەی تازە و چارەسەركردنی كێشەكان پێویستە لەسەر بنەمای تەوافوق و ڕەچاوكردنی شەراكەت بێت ئەوەیش لە پێناو دووبارەنەبوونەوەی گرفت و كێشەكانی ڕابردوو.

کۆدی هەواڵنێر: 60113