بەپێی هەواڵی کوردپرێس، بەگوێرەی ھەواڵی سایتی فەرمیی بارزانی، ئەمڕۆ سێشەممە 9/10/2018، لە سەلاحەددین مەسعوود بارزانی، پێشوازی لە یان كۆبیچ نوێنەری سكرتێری گشتیی رێكخراوی نەتەوە یەكگرتووەكان لە عێراق كرد.

لە دیدارەكەدا نوێنەری سكرتێری گشتیی رێكخراوی نەتەوە یەكگرتووەكان لە عێراق پیرۆزبایی سەركەوتنی پڕۆسەی هەڵبژاردنی پەرلەمانی كوردستان و سەركەوتنی لیستی پارتی دیموكراتی كوردستان لە بارزانی كرد و هیوای ئەوەی خواست كە بە زووترین كات كۆمیسیۆن دەرئەنجامە كۆتاییەكان رابگەیێنێت و پەرلەمانی تازەیش دەست بە كارەكانی بكات.

لە بەشێكی دیكەی ئەو كۆبوونەویەدا بارودۆخی سیاسیی عێراق و ناوچەكە و هاوكێشەكانی ناو پڕۆسەی سیاسیی عێراق و دوایین پێشهاتەكان تاوتوێ كران.

کۆدی هەواڵنێر: 60113