کوردپرێس:

4ی مانگی 11ی 2021 بە شێوەی هاوکات لە پارێزگاکانی سلێمانی، هەولێر و دهۆک نمایش دەکرێت

کۆمپانیای مەستی فیلم کە خاوەنداریەتی نماییشکردنی فیلمی دار گوێزی وەرگرتوە رایگەیاندوە، کۆمپانیای مەستی فیلم، نمایشی گشتیی فیلمی دارگوێز ڕۆژی 4ی مانگی 11ی 2021 بە شێوەی هاوکات لە پارێزگاکانی سلێمانی، هەولێر و دهۆک دەستپێدەکات.

ئاماژە بەوەش کراوە، دارگوێز چیرۆکی ڕاستەقینەی ژیانی تاڵ و پڕ لە نەهامەتی کەسێکی خەڵکی سەردەشت بە ناوی قادر مەولان پور دەگێرێتەوە کە بنەماڵەکەی لە کیمیابارانی سەردەشتدا بەر چەکی کیمیایی دەکەون.

ئەم فیلمە ئێرانییە لە فێستیڤاڵی نێودەوڵەتی فیلمی فەجر لە تاران توانی خەڵاتی باشترین دەرهێنەر و باشترین ئەکتەر بەدەست بێنێت، هەروەها فیلمی دارگوێز یەکێک لە کاندیدەکانی ئێران بوە بۆ ئەوەی وەک نوێنەری ئێران بچێتە ڕکابەریی ئۆسکاری 2021.

کۆمپانیای مەستی فیلم ئەوەشی خستوەتەڕو، دەیەوێت بە گرینگی دان بە خاڵە هاوبەشە فەرهەنگییەکانی نێوان ئێران و هەرێمی کوردستان و بە مەبەستی پەرەدان بە پەیوەندی فەرهەنگی و هونەری دولایەنە، فیلمە ئێرانییەکان لە هەرێمی کوردستان بڵاودەکاتەوە.