بەپێی هەواڵی کوردپرێس، له‌وباره‌یه‌وه ئیاس ساموک وته‌بێژى دادگاى باڵاى فیدراڵى له به‌یاننامه‌یێكدا بڵاوی كردۆته‌وه دادگاى باڵای فیدراڵى كۆبوونه‌وه‌ى خۆى به‌سه‌رۆكایه‌تیى میدحه‌ت مه‌حموود و سه‌رجه‌م دادوه‌ره‌كان له‌سه‌ر سكاڵاى وه‌زیرى نه‌وتى عێراق له‌سه‌ر وه‌زیرى سه‌رچاوه سروشتیه‌كانى هه‌رێمى كوردستان ئه‌نجام داوه.
له دانیشتنه‌كه‌دا بریكارى هه‌ردوولا و بریكارانى سه‌رۆكى ئه‌نجومه‌نى وه‌زیرانى عێراق و وه‌زیرى دارایى عێراق و سه‌رۆكى ئه‌نجومه‌نى وه‌زیرانى هه‌رێمى كوردستان ئاماده بوون.
به‌پێى به‌یاننامه‌كه، له كۆبونه‌وه‌كه‌دا بڕیاردرا به دیار كردنى سێ شاره‌زا له سه‌ندیكاى ئابووریناسانى عێراقى و سه‌ندیكاى جیۆلۆجیناسى و كۆمه‌ڵه‌ى ئه‌ندازیارانى عێراق، بۆ ئه‌وه‌ى راپۆرتى هونه‌رىی خۆیان له‌سه‌ر لایه‌نه هونه‌رییه‌كانى كه‌یسه‌كه ئاماده بكه‌ن.
وته‌بێژى دادگاى باڵاى فیدراڵى ته‌ئكیدیشی كردۆته‌وه، ئه‌و شاره‌زایانه له رۆژى 9-10-2018 سوێندى یاسایى ده‌خۆن و دانیشتنى داهاتوو رۆژى 6-11-20108 ده‌بێت بۆ ئه‌وه‌ى كاتێک بۆ ئه‌و شاره‌زایانه دیارى بكرێت، كه تێیدا راپۆرتى خۆیان پێشكه‌ش بكه‌ن.
سەرچاوە: میدیاکانی هەرێم
کۆدی هەواڵنێر: 60113
Your Comment