به‌پێی هه‌واڵی کوردپرێس، نووسینگه‌ى ڕاگه‌یاندنى حه‌یده‌ر عه‌بادى سه‌رۆک وه‌زیرانی عێراق له ڕاگه‌یێندراوێکدا بڵاوی كرده‌وه که ئێواره‌ی ڕۆژی شه‌ممه 29ی ئه‌یلوول سه‌رۆكى ئه‌نجومه‌نى وه‌زیرانى عێراق پێشوازى له كاندیدی پارتى بۆ سه‌رۆكایه‌تى كۆمار كرد.
له دیداره‌كه‌دا تاوتوێی دۆخى سیاسیی وڵات و ده‌نگدان له‌سه‌ر كاندیداکانى سه‌رۆكایه‌تیی كۆمار و گفتوگۆكانى پێكهێنانى كابینه‌ى نوێی حكوومه‌ت كرا.
ئاماژه به‌وه‌ش دراوه كه له‌و دیداره‌دا باس له گرنگیدان به به‌دیهێنانى پێویستییه‌كانى وڵات له دروست كردن و نۆژه‌نكردنه‌وه و ڕه‌خساندنى هه‌لى كار و پاراستنى ئه‌وانه‌ى به‌دی هاتوون له شه‌ڕى تیرۆر و سه‌قامگیری ئه‌منی و په‌یوه‌ندییه‌كانى ده‌ره‌وه، كران.
سه‌رچاوه: Kurdistan TV
کۆدی هه‌واڵنێر: 60103
Your Comment