به‌پێی هه‌واڵی کوردپرێس، ماهر حامد جوهان بریكاری وه‌زاره‌تى دارایى له به‌یاننامه‌یێكدا ڕوونی كردۆته‌وه که شایسته‌دارایییه‌كانى كۆمپانیاكانى نه‌وت به نه‌وتی به‌رهه‌مهاتوو ده‌درێت پێیان به‌ڵام هێشتا كورتهێنان له پرۆژه‌ی بودجه‌ى 2019ى عیراقدا، 19 ترلیۆن دیناره، ئه‌وه‌ش به‌هۆى زیادبوونى خه‌رجى و كه‌مبوونه‌وه‌ى داهاتى باجه به بڕى 300 ملیار دینار.
ناوبراو ئاماژه‌ى به‌وه‌ش كردوووه ترلیۆنێک دینار خه‌رج كراوه بۆ ئه‌وه‌ى ئه‌و %3.8ى مووچه‌یه‌ی فه‌رمانبه‌ران لاببرێت كه له چه‌ند ساڵى ڕابردوودا لێیان ده‌بڕدرا، هه‌روه‌ها خه‌رجیه ئه‌منییه‌كانیش كه 1.4 ترلیۆن دیناره، كه‌م نه‌كراوه‌ته‌وه سه‌ره‌ڕاى ئه‌وه‌ى پشكى پارێزگاكان له به‌شى خۆیان له داهاتى خاڵه سنوورییه‌كان زیاتر له ترلیۆنێک دینار زیاد كراوه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment