بەپێی هەواڵی کوردپرێس، ئاژانسی ئانادۆڵی توركی ڕایگەیاند: لە چوارچێوەی لێكۆڵینەوە لە پێكهاتەی رێكخراوی فەتحوڵڵا گولەن-ەوە لە نێو سوپای توركیادا، فەرمانی دەستبەسەركردن بۆ 71 ئەفسەر و سەرباز دەرچووە، كە 10یان ئەفسەر بوون.

ئاماژە بەوەش كراوە، فەرمانی دەستبەسەركردنەكە لە لایەن نووسینگەی تیرۆر و تاوانە رێكخراوەكان لە سەرۆكایەتیی داواكاری گشتیی ئیستانبوڵ دەركراوە، كە 61 كەسیان سەربازن و 10 كەسەكەی دیكەیان ئەفسەربوون لە سوپای توركیا.

دوای هەوڵی كودەتا سەربازییەكەی توركیا، لە 15ی مانگی تەمووزی 2016 دا، حكوومەت و بەرپرسانی ئەو وڵاتە، فەتحوڵا گولەن سەرۆكی بزووتنەوەی خزمەتیان تۆمەتبار كرد بەوەی كە لە پشت هەوڵی كودەتاكەوە بوون.

بەڵام فەتحوڵا گولەن و بزووتنەوەكەی‌ بەتەواوی ئەو وتانەی حكوومەت رەت دەكەنەوە.

توركیا داوایێكی فەرمیی ئاڕاستەی ویلایەتە یەكگرتووەكانی ئەمریكا كرد تاكوو فەتحوڵا گولەن رادەستی ئەنقەرە بكاتەو و دادگایی بكرێت، بەڵام واشنتۆن ئەو داوایەی رەت كردووەتەوە.

کۆدی هەواڵنێر: 60113