بەپێی هەواڵی کوردپرێس، رۆژی یه‌کشه‌ممه‌ 23-9-2018 پارتی، فوئاد حوسێن ـی بۆ پۆستی سه‌رۆک کۆمار کاندید کرد.

له‌ په‌یامێکدا مه‌سعوود بارزانی له‌باره‌ی به‌ربژێر کردنی فوئاد حوسێنه‌وه‌ بۆ ئه‌و پۆسته‌ رایده‌گه‌یێنێت: مه‌كته‌بی سیاسیی پارتی منی سه‌رپشک كرد كه‌ كه‌سێک دیاری بكه‌م بۆ كاندیدبوونی بۆ پۆستی سه‌رۆك كۆمار. به‌هۆی توانایی و لێهاتوویی به‌ باشم زانی كه‌ فواد حوسێن بۆ ئه‌و پۆسته‌ كاندید بكه‌م.

ناوبراو هەروەها رایده‌گه‌یێنێت: "بڕوای ته‌واوم به‌ تواناكانی هه‌یه‌ و قه‌ناعه‌تیشم هه‌یه‌ كه‌ ئه‌ركه‌كانی خۆی به‌باشی جێبه‌جێ ده‌كات و له‌ پۆستی سه‌رۆكایه‌تیی كۆماردا هه‌م بۆ گه‌لی كوردستان و هه‌م بۆ عێراق و پێكهاته‌كانی عێراق كه‌سێكی به‌سوود و خه‌مخۆر ده‌بێ".

کۆدی هەواڵنێر: 60113