به‌پێی هه‌واڵی کوردپرێس، مایا كوچیانتیچ وته‌بێژی‌ كۆمیسیۆنی‌ كاروباری‌ ده‌ره‌وه‌ی‌ یه‌كێتیی‌ ئه‌ورووپا ده‌ڵێت: هه‌ڵبژاردنی‌ محه‌مه‌د حه‌لبوسی‌ وه‌ک سه‌رۆكی‌ نوێی‌ ئه‌نجومه‌نی‌ نوێنه‌رانی‌ عێراق هه‌نگاوێكی‌ یه‌كلاكه‌ره‌وه‌یه‌ به‌ره‌و پێكهێنانی‌ حكوومه‌تی‌ عێراق و پێشبینیش ده‌كه‌ین سه‌ركرده‌ سیاسییه‌كانیان هه‌نگاوی‌ خێراتر و باشتر بگرنه‌به‌ر له‌و پێناوه‌دا.

له‌ به‌یاننامه‌یێكدا كوچیانتیچ ڕای‌گه‌یاندوووه‌ پێویسته‌ حكوومه‌تی‌ نوێی‌ عێراق به‌په‌له‌ چاره‌سه‌ر بۆ پێشهات و ئاڵنگارییه‌كان بدۆزێته‌وه‌ كه‌ ڕووبه‌ڕووی‌ عێراق بوونه‌ته‌وه‌ و هه‌روه‌ها داواكاری و پێداویستیی‌ هاووڵاتییان جێبه‌جێ بكه‌ن.

یه‌كێتیی ئه‌ورووپا دووپاتی كردوووه‌ته‌وه‌ كه‌ به‌رده‌وام ده‌بێت له‌ پشتیوانییه‌كانی‌ بۆ عێراق به‌تایبه‌ت له‌ بواری‌ بنیاتنانه‌وه‌ و هه‌روه‌ک ڕوونیشی کردوووه‌ته‌وه‌ كه‌ له‌گه‌ڵ حكوومه‌تی‌ نوێی‌ عێراق كار ده‌كات بۆ پشتیوانی كردنی‌ سه‌قامگیری‌ و ئاسایش و به‌ره‌وپێشبردنی‌ پرۆسه‌ی‌ دیموكراتی‌.

سه‌رچاوه‌: سبه‌ی

کۆدی هه‌واڵنێر: 60103