به‌پێی هه‌واڵی کوردپرێس، مارک لۆكۆک كۆنگره‌یێكی ڕۆژنامه‌وانی له نووسینگه‌ی نه‌ته‌وه یه‌كگرتوووه‌كان له ژنێڤ رێكخست و تێدا ڕای‌گه‌یاند: "ھه‌موومان بۆ ئیدلب كه‌وتینه حاڵه‌تی زه‌نگ لێدانه‌وه، ده‌مه‌وێت جه‌خت له‌وه بكه‌مه‌وه كه ئه‌م دۆخه‌ی ئێستا چه‌ند بۆ خه‌ڵكی ئیدلب مه‌ترسیداره."
لۆکۆک راشیگه‌یاند: نزیكه‌ی چوار ملیۆن كه‌س له ئیدلب ده‌ژین و له‌وانه‌ش دوو ملیۆن كه‌س پێویستی به ھاوكاری مرۆیی ھه‌یه.
جێگری سكرتێری گشتیی نه‌ته‌وه یه‌كگرتوووه‌كان ئه‌وه‌شی خسته‌ڕوو كه له‌وه‌و پێشتر زۆربه‌ی دانیشتوانی غووته‌ی رۆژھه‌ڵات و حه‌له‌ب له چوارچێوه‌ی رێككه‌وتن گواسترابوونه‌وه ئیدلب به‌ڵام له ئێستادا خه‌ڵكی ئیدلب ئه‌م چانسه‌یان نییه و ئه‌گه‌ری ڕوودانی تراژیدیایێک له‌و ناوچه‌كه‌دا بوونی ھه‌یه.
جێگری سكرتێری گشتیی نه‌ته‌وه یه‌كگرتوووه‌كان هۆشداریشی دا له‌وه‌ی که "پێش ئه‌وه‌ی خراپترین كاره‌ساتی مرۆیی له چه‌ند مانگی داھاتوو له ئیدلب ڕوو بدات و پێش ئه‌وه‌ی گه‌وره‌ترین كاره‌ساتی مرۆیی سه‌ده‌ی 21 ڕوو بدات پێویسته رێگای چاره‌سه‌ركردن بدۆزینه‌وه و ئه‌مه گرنگترین په‌یامی ئێمه‌یه."
سه‌رچاوه: خه‌ندان
کۆدی هه‌واڵنێر: 60103
Your Comment