به‌پێی هه‌واڵی کوردپرێس، ئه‌مڕۆ شه‌ممه‌ 8ی ئه‌یلوول شه‌ڕ له‌ نێوان ئاسایشی قامیشلۆ و هێزێکی سه‌ر به‌ حکوومه‌تی سووریا ڕووی دا و له‌ ئه‌نجامدا ١٣ ئه‌ندامی هێزه‌که‌ی حکوومه‌تی سوریا و ئه‌ندامێکی هێزه‌کانی ئاسایشی قامیشلۆ گیانیان له‌ده‌ست دا.

شه‌ڕه‌که‌ به‌ هۆی ئه‌وه‌وه‌ ڕووی داوه‌ هێزه‌که‌ی حکوومه‌تی سوریا له‌و ناوچه‌یه‌ی بۆیان دیاری کراوه‌ تێپه‌ڕیون و چوونه‌ گه‌ڕه‌کێکی قامیشلۆ که‌ له‌ ژێر کۆنتڕۆڵی هێزه‌ ئه‌منییه‌کانی ئیداره‌که‌دایه‌ و چه‌ندین گه‌نجی ئه‌و ناوچه‌یه‌یان له‌ نزیک فڕۆکه‌خانه‌ی قامیشلۆ ده‌ستگیر کردوووه‌ که‌ ئه‌و کاره‌ کاردانه‌وه‌ی هێزی ئاسایشی قامیشلۆی لێکه‌وتۆته‌وه‌ و به‌و هۆیه‌وه‌ شه‌ڕ ڕووی داوه‌.

سه‌رچاوه‌: هه‌واڵده‌ریی هاوارنیووز

کۆدی هه‌واڵنێر: 60103