کوردپرێس- به‌پێی ئاماره‌که‌ی وه‌زاره‌تی ته‌ندروستی، له خۆپیشاندانه‌کانی ڕۆژی سێشه‌ممه‌ی به‌سره ٦٨ که‌س بریندار بوون، ٤١ که‌سیان هاووڵاتی مه‌ده‌نین و ٢٧ که‌سیش ئه‌ندامی هێزه ئه‌منییه‌کانن، هه‌روه‌ها پێنج له خۆپیشانده‌ران کوژراون.
هه‌روه‌ها سه‌یف به‌در وته‌بێژی وه‌زاره‌تی ته‌ندروستی ڕایگهیاند که له په‌یوه‌ندیی به‌رده‌وامدان له‌گه‌ڵ ته‌ندروستی به‌سره بۆ ئاگاداربوون له دۆخه‌که و چاره‌سه‌رکردنی برینداره‌کان و دابین کردنی ته‌واوی پێداویستیه پزیشکییه‌کان.
شه‌وی سێشه‌ممه ٤ی ٩ له دژێره‌ی ناڕه‌زایه‌تییه‌کانی هاووڵاتییانی به‌سره، خۆپیشانده‌ران چوونه سه‌ر باڵه‌خانه‌ی ئه‌نجومه‌نی پارێزگا و به ته‌واوه‌تی باڵه‌خانه‌که‌یان سووتاند و له به‌رامبه‌ردا هێزه ئه‌منییه‌کان قه‌ده‌غه‌ی هاتوچۆیان ڕاگه‌یه‌ند.
حه‌یده‌ر عه‌بادی داوای لێکۆڵینه‌وه له‌و ڕووداوانه کرد و موقته‌دا سه‌در ڕێبه‌ری ڕه‌وتی سه‌دریش هه‌ڕه‌شه‌ی کاردانه‌وه‌ی کرد و وتی: "ئامۆژگاریم وایه ئارامیمان تاقی نه‌که‌نه‌وه."
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment