به‌پێی هه‌واڵی کوردپرێس، ڕۆژنامه‌ی "جومهورییه‌تی" تورکیا ئه‌وه‌شی ئاشکرا کردوووه‌ به‌رپرسانی حکوومه‌تی تورکیا ده‌یانه‌وێت له ‌ڕێی ئازادکردنی قه‌شه‌ برۆنسنه‌وه‌ دۆخی په‌یوه‌ندییه‌کانیان له‌گه‌ڵ ئه‌مه‌ریکا ئاسایی بکه‌نه‌وه‌ و کۆتایی به‌و سزا ئابوورییانه‌ بێنن که‌ ئه‌مه‌ریکا سه‌پاندوویه‌تی به‌ سه‌ر تورکیادا.

ئه‌و ڕۆژنامه‌یه‌ زیاتر ده‌شڵێت: به‌رپرسانی تورکیا ده‌یانه‌وێت هه‌مان سیناریۆی دوو سه‌ربازه‌ یۆنانییه‌که‌ دووباره‌ بکه‌نه‌وه‌ که‌ به بڕیارێکی کتوپڕ له‌ ته‌مووزی ئه‌مساڵ ئازاد کران و کێشه‌ی ئه‌و دوو وڵاته‌ی به‌ره‌و هێوربوونه‌وه‌ برد.

شایانی باسه‌؛ قه‌شه‌ برۆنسۆن قه‌شه‌یێکی ئه‌مه‌ریکییه‌ و دوابه‌دوای کووده‌تاکه‌ی ته‌مووزی ساڵی ٢٠١٦ به‌ تۆمه‌تی بوونی په‌یوه‌ندی له‌گه‌ڵ بزووتنه‌وه‌که‌ی فه‌تحوڵڵا گوله‌ن و هاوکاری کردنی پارتی کرێکارانی کوردستان له‌لایه‌ن هێزه‌ ئه‌منییه‌کانی تورکیاوه‌ ده‌ستگیر کرا و ئێستاش له‌ ژێر ئیقامه‌ی ناچاریدایه‌ له‌ ماڵه‌که‌ی خۆی و مافی گه‌شت کردنی لێ سه‌ندراوه‌ته‌وه‌.

سه‌رچاوه‌: خه‌ندان

کۆدی هه‌واڵنێر: 60103