به‌پێی هه‌واڵی کوردپرێس، 20ی مانگی ئاب چه‌ند كه‌سێكی نه‌ناسراو ته‌قه‌یان له باڵیۆزخانه‌ی ویلایه‌ته یه‌كگرتوووه‌كانی ئه‌مه‌ریكا كرد له ئه‌نقه‌ره‌ی پایته‌ختی توركیا ئه‌وه‌ش دوای ئه‌وه‌ی په‌یوه‌ندییه‌كانی واشنتۆن و ئه‌نقه‌ره گه‌یشته بنبه‌ست و له‌وباره‌وه پۆلیسی تورکیا ڕای‌گه‌یاند: 6 كه‌س به تۆمه‌تی ته‌قه‌كردنه‌كه ده‌ستگیر كراون و له ئێستاشدا سێ كه‌س له كۆی ئه‌و شه‌ش كه‌سه‌ی ده‌ستگیر كراون بڕیاری ده‌ستبه‌سه‌ركردنیان بۆ ده‌ركراوه به‌ڵام سێیانه‌كه‌ی دیكه‌یان به كه‌فاله‌ت ئازاد كراون.
كاتژمێر 5:00ی به‌ره‌به‌یانیی 20ی ئاب چه‌ند كه‌سێک كه له ناو ئۆتۆمبێلێكدا بوون ته‌قه‌یان له باڵیۆزخانه‌ی ئه‌مریکا كرد له ئه‌نقه‌ره‌ی پایته‌ختی توركیا ئه‌وه‌ش به‌پێی ئاژانسی ڕۆیته‌رز و بریندار و كوژراوی لێنه‌كه‌وتوووه‌ته‌وه، ته‌نها چه‌ند گوله‌یێک به‌ر په‌نجه‌ره‌ی ژووری پاسه‌وانه‌كانی باڵیۆزخانه‌ی ئه‌مه‌ریكا كه‌وتوووه.
ده‌ستڕێژی گوله له باڵیۆزخانه‌ی ئه‌مه‌ریكا له ئه‌نقه‌ره له كاتێكدایه په‌یوه‌ندییه‌كانی نێوان ویلایه‌ته یه‌كگرتووه‌كانی ئه‌مه‌ریكا و توركیا له ئاستێكی خراپدایه ئه‌وه‌ش دوای ئه‌وه هه‌ر دوو وڵات باجیان له‌سه‌ر هاورده‌كردنی كه‌لوپه‌لی یه‌كتر زیاد كرد.
گرژییه‌كانی نێوان واشنتۆن و ئه‌نقه‌ره دوای ئه‌وه هات كه توركیا ڕه‌تی كرده‌وه قه‌شه ئه‌ندرو برونسنی به ڕه‌گه‌ز ئه‌مه‌ریكی ئازاد بكات كه زیاتر له 21 مانگه له توركیا له زینداندایه و به‌و هۆیه‌وه تره‌مپ بڕیاری دا باج بخاته سه‌ر كه‌لوپه‌لی هاورده‌كراوی توركیا بۆ ئه‌مه‌ریكا.
سه‌رچاوه: خه‌ندان
کۆدی هه‌واڵنێر: 60103
Your Comment