کوردپرێس- له به‌یاننامه‌یێكدا وه‌زاره‌تی ده‌ره‌وه‌ی ئه‌مریکا ڕایگەیاند که له په‌یوه‌ندییه ته‌له‌فۆنییه‌كه‌دا په‌مپێیۆ به عه‌بادیی وتوووه: "بارودۆخی ئێستای عێراق ھه‌ستیاره، ده‌بێ سه‌روه‌ری خاکی عێراق بپارێزرێت، حکوومه‌تێک پێکبھێنرێت که مافه ده‌ستورییه‌کانی ھه‌موو پێکھاته‌کان دابین بکات."
وه‌زیری ده‌ره‌وه‌ی ئه‌مریکا له‌گه‌ڵ عه‌لاویش باسی له په‌یوه‌ندییه‌کانی نێوان ھه‌ولێر و به‌غدا کردوووه و جه‌ختی کردوووه‌ته‌وه ئه‌مریکا له‌گه‌ڵ حکوومه‌تێکدایه که ھه‌موو پێکھاته‌کان له‌خۆ بگرێت و مافه ده‌ستوورییه‌کانیان بپارێزێت.
وه‌زیری ده‌ره‌وه‌ی ئه‌مریکا ده‌ڵێ: برێت مه‌کگۆرکیش له به‌غدایه و قسه‌م له‌گه‌ڵ کردوووه. کاری باشی ئه‌نجام داوه و پێکھێنانی حکوومه‌تی نیشتمانیی عێراق گرنگه بۆ له‌ناوبردنی یه‌کجاره‌كی ڕێكخراوی داعش.
سه‌رچاوه: K24
کۆدی هه‌واڵنێر: 60103
Your Comment