به‌پێی هه‌واڵی کوردپرێس، ستیڤان دیمستۆرا باس له‌ مه‌ترسیی سه‌رهه‌ڵدانی "زریانێکی به‌هێزی سه‌ربازی" ده‌کات ئه‌وه‌ش به‌هۆی ئه‌وه‌ی له‌ چه‌ند ڕۆژی ڕابردوودا ڕووسیا گه‌وره‌ترین هاوپه‌یمانیی ده‌وڵه‌تی سووریا و به‌شار ئه‌سه‌د ڕای‌گه‌یاند له‌شکرکێشییێکی گه‌وره‌ له‌ ئیدلیب ده‌ست پێده‌که‌ن که‌ به‌ مۆڵگه‌ی کۆتاییی گرووپه‌ چه‌کداره‌کانی دژی ده‌وڵه‌تی سووریا داده‌نرێت.

ڕۆژی 31ی ئاب وه‌زاره‌تی به‌رگریی ڕووسیا ڕای‌گه‌یاند: هێزه‌ سه‌ربازییه‌کانی وڵاته‌که‌ی مه‌شقی سه‌ربازیی ده‌ریایی له‌ ده‌ریای ناوه‌ڕاستدا له‌ ماوه‌ی نێوان 1 بۆ 8ی مانگی ئه‌یلوول ئه‌نجام ده‌ده‌ن که‌ ٢٥ که‌شتی جه‌نگی و ٣٠ فڕۆکه‌ به‌شداری تێدا ده‌که‌ن.

وه‌زاره‌تی به‌رگریی ڕووسیا ڕاشی‌گه‌یاند: له‌ مانۆڕه‌ سه‌ربازییه‌که‌دا ڕاهێنانی دژه‌ فرۆکه‌ و دژه‌ ژێر ده‌ریایی و دژه‌مین ئه‌نجام ده‌درێت.

داخوازیی دیمستۆرا بۆ چۆڵ کردنی ئه‌و ناوچانه‌ نیگه‌رانیی وڵاتانی ناوچه‌که‌ و جیهانی لێکه‌وته‌وه‌ له‌وه‌ی ڕه‌نگه‌ ئیدلیب ببێت به‌ کۆتا جێگای یه‌کلایی کردنه‌وه‌ی ململانێکانی جه‌نگی ناوخۆییی سووریا و یه‌کێک له‌ گه‌وره‌ترین کاره‌ساته‌ مرۆیییه‌کانی سووریای لێ بکه‌وێته‌وه‌ که‌ ماوه‌ی 7 ساڵه‌ جه‌نگی ناوخۆیی تێیدا به‌رده‌وامه‌ و به‌هۆیه‌وه‌ زیاتر له‌ ٤٠٠ هه‌زار هاووڵاتی گیانیان له‌ده‌ست داوه و‌ پێنج ملیۆن و ٥٠٠ هه‌زار که‌س ئاواره ‌بوون.

سه‌رچاوه‌: خه‌ندان

کۆدی هه‌واڵنێر: 60103