به‌پێی هه‌واڵی کوردپرێس، ڕۆژی هه‌ینی 31ی 8ی 2018، له‌ سه‌لاحه‌ددین، مه‌سعوود بارزانی پێشوازی له‌ برێت مه‌كگورگ نێرده‌ی تایبه‌تی سه‌رۆكی ئه‌مه‌ریكا بۆ هاوپه‌یمانێتیی نێوده‌وڵه‌تیی شه‌ڕی دژی داعش و شاندێكی یاوه‌ری كرد كه‌ پێكهاتبوو له‌ دۆگڵاس سڵیمان باڵیۆزی ئه‌مه‌ریكا له‌ عێراق و ستیڤ فاگین كونسووڵی ئه‌مه‌ریكا له‌ هه‌ولێر.

له‌ دیداره‌كه‌دا دواپێشهاته‌ سیاسییه‌كان، گۆڕانی هاوكێشه‌كانی نێو پڕۆسه‌ی سیاسیی عێراق تاوتوێ كران و بیروڕا له‌باره‌ی ڕێگه‌كانی پێكهێنانی حكوومه‌تی تازه‌ی عێراق ئاڵوگۆڕ كرا.

هه‌ر له‌و كۆبوونه‌وه‌یه‌دا جه‌خت له‌سه‌ر پابه‌ندبوون به‌ پڕه‌نسیپه‌كانی شه‌راكه‌تی حه‌قیقی نێوان نوێنه‌رانی پێکهاته‌کانی عێراق كرایه‌وه‌ و هه‌ردوو لایش له‌سه‌ر ئه‌وه‌ هاوڕا بوون كه‌ هه‌تا ڕاسته‌ڕێكردنی پڕۆسه‌ی سیاسیی عێراق هه‌ردوولا له‌ ڕاوێژ و په‌یوه‌ندیی به‌رده‌وامدا بن.

سه‌رچاوه‌: ماڵپه‌ڕی فه‌رمیی پارتی دیموکراتی کوردستان

کۆدی هه‌واڵنێر: 60103