کوردپرێس:
مه‌ڕوان گه‌ڵاڵى سه‌رۆكى فراكسیۆنى كۆمه‌ڵ له په‌رله‌مانى كوردستان لەو بارەیەوە بە ڕادیۆ نەوای کوردیی راده‌گه‌یه‌نێت، به‌هۆى داخستنى په‌رله‌مانى كوردستان، پرۆسه‌ى سیاسى له هه‌رێم پاشه‌كشه‌یێكى گه‌وره‌ى كرد و هه‌روه‌ها دووبه‌ره‌كى و ناكۆكیى خسته نێوان هێز و لایه‌نه‌كانى هه‌رێم و هه‌ر به‌و هۆیه‌شه‌وه چه‌ندین پرۆژه و پرسى گرنگ راگیران.
ناوبراو جه‌ختى كرده‌وه، "داخستنى په‌رله‌مانى كوردستان بۆ ماوه‌ى 2 ساڵ، په‌ڵه‌یێكه به نێوچاوانى ده‌سه‌ڵاتدارانى هه‌رێم، كه بووه هۆى پاشه‌كشه‌كردنى پرۆسه‌ى سیاسى له هه‌رێمدا و هاوكات به‌و هۆیه‌وه پرۆژه‌ى ده‌ستوورى هه‌رێم و چه‌ندین پرۆژه‌ى گرنگى دیكه دوا خران.
مه‌ڕوان گه‌ڵاڵى باسى له‌وه‌ش كرد، پرۆژه‌ى چاكسازى له خانه‌نشینى و ده‌رماڵه و مووچه، سه‌رتاپاى له‌به‌رژه‌وه‌ندیى خه‌ڵكى هه‌رێمدا بوو، به‌ڵام ئاسته‌نگى بۆ دروست كرا و تا ئێستاش په‌رله‌مان و حكوومه‌ت له سه‌ر چه‌ند بڕگه‌یێكى تایبه‌ت به ده‌رماڵه و مووچه‌ى خانه‌نشنیى ناكۆكن.
Your Comment