به‌پێی هه‌واڵی کوردپرێس، ڕۆژی یه‌كشه‌ممه 26ی ئاب فوئاد مه‌عسووم سه‌ركۆماری عێراق ڕای‌گه‌یاند: عێراق ناتوانێت پابه‌ندی بڕیاری سزاكانی ئه‌مریكا بێت بۆ سه‌ر ئێران و ڕه‌نگه عه‌بادییش په‌له‌ی كردبێت له‌باره‌ی ڕاگه‌یاندنی هه‌ڵوێستی عێراق له به‌رانبه‌ر ئه‌م سزایانه‌ی ئه‌مریكا به سه‌ر ئێرانیدا سه‌پاند.
سه‌ركۆماری عێراق به‌رگری له به‌ره‌ی ئێران كردوووه و ده‌ڵێ: ڕه‌نگه عه‌بادی ئه‌گه‌ر له كۆنگره‌ی رۆژنامه‌وانیدا نه‌بوایه وه‌ڵامێكی‌تری دابایه‌وه له‌باره‌ی هه‌ڵوێستی عێراق له‌سه‌ر سزاكانی ئه‌مریكا بۆ سه‌ر ئێران چوونكه ئه‌وسا ده‌یزانی كه عێراق ناتوانێ پابه‌ندی ئه‌و سزایانه بێت.
مه‌عسووم گوتیشی: نه‌ک حه‌یده‌ر عه‌بادی، هه‌ر سه‌رۆک وه‌زیرانێكی‌تریش له عێراق ناتوانێ پابه‌ندی ئه‌و سزایانه‌ی ئه‌مریكا بێت بۆ سه‌ر ئێران ئه‌مه‌ش به‌هۆی ئه‌و په‌یوه‌ندییانه‌ی له نێوان هه‌ر دوو وڵاتدا هه‌یه.
له كۆتاییشدا گوتی: لێدوانه‌كه‌ی عه‌بادی ته‌نها قسه بوووه نه‌ک بڕیار له‌باره‌ی سزاكانی ئه‌مریكا بۆ سه‌ر ئێران چوونكه ئه‌م لێدوانه جێبه‌جێ ناكرێت.
سه‌رچاوه: باسنیووز
کۆدی هه‌واڵنێر: 60103
Your Comment