به‌پێی هه‌واڵی کوردپرێس، ڕه‌مزیه تۆسۆن نوێنه‌ری ئامه‌د له په‌رله‌مانی تورکیا و سه‌ر به پارتی دیموکراتیکی گه‌لان له لێدوانێکدا ئاماژه به سیاسه‌تی گۆشه‌گیریی عه‌بدوڵڵا ئۆجه‌لان ڕێبه‌ری په‌که‌که ده‌کات و ڕای‌ده‌گه‌یێنێت: له‌په‌راوێزخستنی ئیمرالی له‌په‌راوێز خستنی گه‌لی کورده. تا ئه‌و کاته‌ی که ئه‌م گۆشه‌گیرییه له‌ناو نه‌چێت ناکرێت له‌سه‌ر ئازادی بۆ کورد قسه بکرێت. ئه‌و سیاسه‌تانه‌ی که له ئیمرالی جێبه‌جێ ده‌کرێت هه‌مان سیاسه‌ته که دژ به کورد جێبه‌جێ ده‌بێت.
ئه‌و په‌رله‌مانتاره‌ی تورکیا که له ڕێوڕه‌سمی تایبه‌تی 1ی سێپتێمبێر ڕۆژی جیهانیی ئاشتی قسه‌ی ده‌کرد گوتیشی: ئه‌مانه له بیرۆکه‌ی عه‌بدوڵڵا ئۆجه‌لان ده‌ترسن. له په‌ره‌سه‌ندنی ئه‌و بیرۆکانه ده‌ترسن به‌و بۆنه‌یه که سیاسه‌ته‌کانی گۆشه‌گیری قووڵتر و زیاتر ده‌که‌نه‌وه. تا ئه‌و کاته‌ی که سیاسه‌تی له‌په‌راوێزخستنی عه‌بدوڵڵا ئۆجه‌لان له‌ناو نه‌چێت دۆخی ئاشتی له تورکیا نایێته‌دی.
سه‌رچاوه: هه‌واڵده‌ریی Mezopotamya
کۆدی هه‌واڵنێر: 60103
Your Comment