به‌پێی هه‌واڵی کوردپرێس، ئه‌سیل نۆجه‌یفی له لێدوانێکی ڕۆژنامه‌وانیدا ڕای‌گه‌یاند: کرۆکی فراکسیۆنه ھه‌ره گه‌وره‌که ھه‌وڵی داوه فراکسیۆنه‌کانی کورد و سوننه په‌رت بکات و به په‌یڕه‌وکردنی فشار و تێکه‌ڵ کردنی فشاره نێوده‌وڵه‌تییه‌کان فراکسیۆنه‌کانی کورد و سوننه ناچار بکات بێنه ناو کرۆکی فراکسیۆنه ھه‌ره گه‌وره‌که‌وه و ئه‌مه‌ش کورد و سوننه‌ی ھان داوه بۆ ئه‌ڵته‌رناتیڤی دیکه بگه‌ڕێن.
ناوبراو ئاشکراشی کردوووه: هاوپه‌یمانێتییه‌كه‌ى عه‌بادى و سه‌در پێویسته پێداچوونه‌وه بکه‌ن به حیسابات و شێوازی خۆیاندا پێش ئه‌وه‌ی بیر بکه‌نه‌وه له ئه‌نجامدانی دیالۆگ له‌گه‌ڵ فراکسیۆنه‌کانی دیکه‌دا.
شایانی باسه؛ ئێواره‌ی ڕۆژی ١٩ی ئه‌م مانگه ھه‌ریه‌ک له ھاوپه‌یمانێتیی سائیروونی موقته‌دا سه‌در و ھاوپه‌یمانێتیی نه‌سری حه‌یده‌ر عه‌بادی و ھاوپه‌یمانێتیی حیکمه‌ی عه‌مار حه‌کیم و ھاوپه‌یمانیی وه‌ته‌نییه‌ی ئه‌یاد عه‌لاوی له ھۆتێل بابلی شاری به‌غدا ڕێککه‌وتن له‌سه‌ر ڕاگه‌یاندنی ده‌ستپێک و ناوه‌رۆکی فراکسیۆنه گه‌وره‌که‌ی په‌رله‌مانی عێراق که به‌پێی ده‌ستوور ڕاده‌سپێردرێت بۆ پێکھێنانی حکوومه‌تی داھاتووی عێراق.
سه‌رچاوه: خه‌ندان
کۆدی هه‌واڵنێر: 60103
Your Comment