هیچ فراكسیۆنێک داوای دواخستنی هەڵبژاردنی نەكردووە

بەشی عێراق و هەرێمی کوردستان- پێش دەست پێكردنی هەڵمەتی بانگەشەی هەڵبژاردن، پەرلەمانی كوردستان كۆ دەبێتەوە، سكرتێری پەرلەمانی كوردستانیش رایدەگەیێنێت: تا ئێستا هیچ فراكسیۆنێک نووسراوێكی ڕەسمی پێشكەشی پەرلەمان نەكردووە بۆ دواخستنی هەڵبژاردن.

بەپێی هەواڵی کوردپرێس، بێگەرد تاڵەبانی سكرتێری پەرلەمانی كوردستان رایگەیاند: بڕیارە پێش دەست پێكردنی هەڵمەتی بانگەشەی هەڵبژاردن، پەرلەمانی كوردستان بە مەبەستی تاوتوێ كردنی چەند پرسێک كۆ ببێتەوە، دیاریش نییە لەو كاتەدا دەتوانین چەند پرس تاوتووێ بكەین، چوونكە لە 6-9-2018پشووی پەرلەمان دەست پێدەكات، هەر دانیشتنێكیش لەو كاتەدا ئەنجام بدرێت بە نایاسایی دادەنرێت.

ناوبراو وتیشی: تا ئێستا هیچ فراكسیۆنێک نووسراوێكی ڕەسمی پێشكەشی پەرلەمان نەكردووە بۆ دواخستنی هەڵبژاردن، ئەگەر هەر لایەنێكیش نووسراوێكی لەو جۆرە پێشكەش بكات ئێمە قسەی خۆمانمان دەبێت.

ئەمەش لە كاتێكدایە بڕیارە 30-9-2018 هەڵبژاردنی خولی پێنجەمی پەڕلەمانی كوردستان بەڕێوەبچێت و رۆژی 5-9-2018 بۆ دەست پێكردنی هەڵمەتی بانگەشەی هەڵبژاردن دیاری كراوە.

سەرچاوە: PUKmedia

کۆدی هەواڵنێر: 60113

News Code 37569

Your Comment

You are replying to: .
captcha