به‌پێی هه‌واڵی کوردپرێس، جیمی کارتر سه‌رۆک کۆماری پێشووتری ئه‌مریکا له ساڵانی 1977 تا 1981 وتارێکی له‌ژێر ناوی "ئاشتییێکی قیزه‌ون باشتر له به‌رده‌وامیی شه‌ڕ له سووریایه" له نیۆیۆرک بڵاو کرده‌وه و تێیدا خوازیاری کۆتایی هاتنی شه‌ڕ له سووریا و ڕێککه‌وتنی دوو لایه‌ن بۆ جێگیر بوونی ئاشتی له‌و وڵاته بوو.
جیمی کارتر له زاری سه‌نته‌ری کارتر که خۆی بنیاتی ناوه نووسیی: کوردی سووریا به یارمه‌تیی هاوپه‌یمانان به سه‌رکردایه‌تیی ئه‌مریکا نزیک 27 له‌سه‌دی خاکی سووریا کۆنتڕۆڵ ده‌کاته‌وه.
سه‌رۆک کۆماری پێشووتری ئه‌مریکا ئاماژه به دانووستانی ئه‌مدواییه‌ی نێوان کوردی سووریا و ده‌وڵه‌تی دیمه‌شق له‌سه‌ر چاره‌نووسی ناوچه‌ی ژێر کۆنتڕۆڵی کورد ده‌کات و ده‌نووسێت: وه‌فدی کورد له مانگی جووڵای له‌گه‌ڵ ده‌وڵه‌تی ناوه‌ندیی سووریا گفتوگۆیان کرد له‌سه‌ر پاراستنی خۆبه‌ڕێوه‌به‌ری ئێستای ناوچه‌ی ژێر کۆنتڕۆڵیان که له شه‌ڕی سووریا وه‌ک ده‌ستکه‌وت وه‌ده‌ستیان هێنا.
جیمی کارتر جه‌ختی کرده‌وه: دانووستانی کورد له‌گه‌ڵ ده‌وڵه‌تی سووریا گۆڕانێکی ئیجابی له‌و وڵاته دێته ئه‌ژمار و کارێکی وا ده‌بێ له‌و وڵاته له‌پێناو گه‌یشتن به ئاشتیی سه‌قامگیر و کۆتایی هاتن به شه‌ڕ په‌ره‌ی پێبدرێت.
کۆدی هه‌واڵنێر: 60103
Your Comment