به‌پێی هه‌واڵی کوردپرێس، ئه‌رشه‌د ساڵحی سه‌رۆكی به‌ره‌ی توركمانی به هه‌واڵده‌ریی به‌غدا ئه‌لیه‌ومی وتوووه: "پرسی كورد له ڕێگه‌ی گوشارخستنه سه‌ر لایه‌نه براوه‌كانی هه‌ڵبژاردنه‌كانی په‌رله‌مان له به‌غدا كه حكوومه‌تی داهاتووی عێراق پێكدێنن، چاره‌سه‌ر نابێت".
سه‌رۆكی به‌ره‌ی توركمانی گوتی: "په‌یامی ئێمه بۆ برایانی كورد په‌نابردنه به‌ر ئێمه‌یه بۆ دانووستاندن له‌بری چوون بۆ لای ئه‌و لایه‌نانه‌ی له دۆسیه‌ی كه‌ركووک و ناوچه جێناكۆكه‌كان خزمه‌تیان ناكه‌ن، دانووستاندن له‌گه‌ڵ لایه‌نه‌كانی په‌یوه‌ندیدار به كه‌ركووک باشترین بژارده‌یه بۆ كورد له قۆناخی ئێستا و داهاتوو له پێناو به‌دیهێنانی دادپه‌روه‌ری بۆ سه‌رجه‌م پێكهاته‌كانی ناوچه‌كان".
فراكسیۆنه‌كانی سوننه و كورد چاوه‌ڕێن لایه‌نه شیعییه‌كان له پێكهێنانی گه‌وره‌ترین فراكسیۆن خۆیان یه‌كلایی بكه‌نه‌وه، ئینجا بۆ پێكهێنانی حكوومه‌ت دانووستاندنیان له‌گه‌ڵ بكه‌ن و هاوپه‌یمانییه نوێیه شیعییه‌كانیش پێویستییان به كورد و سوننه‌یه بۆ یه‌كلاییكردنه‌وه‌ی پرسه‌كه.
کۆدی هه‌واڵنێر: 60103
Your Comment