بەپێی هەواڵی کوردپرێس، شۆن رایان، وته‌بێژی هاوپه‌یمانیی نێوده‌وڵه‌تی له چاوپێکه‌وتنێکی که‌ناڵی (العربیه)دا وتی: ئه‌بووبه‌کر به‌غدادی ده‌گونجێت له هه‌موو شوێنێک بێت، هه‌رچه‌نده توانای شه‌ڕکردنی نه‌ماوه، به‌ڵام ئه‌و ڕه‌مزی داعشه و ئێمه ده‌مانه‌وێت و ئه‌و و سه‌رجه‌م سه‌رکرده‌کانی داعش ده‌ستگیر بکه‌ین.
ناوبراو وتیشی: هۆکاری ئه‌وه‌ی که به‌غدادی توانای شه‌ڕکردنی نه‌ماوه، بۆ ئه‌وه ده‌گه‌ڕێته‌وه که به‌غدادی و داعش زۆربه‌ی ئه‌و سه‌رکرده مه‌یدانییانه‌یان له‌ده‌ست داوه که له گۆڕه‌پانه‌کانی جه‌نگدا کاریگه‌ر بوون، به‌ڵام له ئێستادا به‌غدادی ته‌نیا دۆستی زۆری ماوه بۆ خۆحه‌شاردان نه‌ک شه‌ڕ کردن.
شۆن رایان ئه‌وه‌شی وت که هێزه‌کانی هاوپه‌یمانی نێوده‌وڵه‌تی له‌سه‌ر داوای خۆیان له عێراق ماونه‌ته‌وه، ئه‌گه‌رچی تواناکانی داعش که‌م بوونه‌ته‌وه، به‌ڵام هێشتا ئه‌و گرووپه دوژمنی هه‌موومانه و ده‌بێت دژیان بجه‌نگین.
کۆدی هەواڵنێر: 60113
Your Comment